На 18 декември се одржа онлајн настан на македонската мрежата на Ана Линд Фондација. Настанот беше структуриран во два дела и обедини претставници на организациите членки околу важни теми поврзани со можностите на фондацијата и други програми и фондови за аплицирање.

Во првиот дел се одржа краток состанок на мрежата, на кој беа споделени информации за актуелните, минатите и идните повици на АЛФ, како и најавата за одржувањето на AgorALF во Кипар во 2026 година. Состанокот го водеше Симона Славкова, координаторка на мрежата, во име на АЛДА за Балканот, со фокус на навремено информирање и поголема вклученост на членките во активностите на Фондацијата.