Во јуни 2025 година, Здружението за рурален развој ЛАГ Агро Лидер успешно организираше серија едукативни сесии со жените од селата Дебреште (општина Долнени), Бучин (општина Крушево), Воѓани и Бела Црква (општина Кривогаштани). Сесиите беа насочени кон зајакнување на граѓанското учество на жените преку нивно активно вклучување во препознавање на локалните предизвици и развивање на заеднички решенија.

За време на работилниците, учесничките водеа структуирани дискусии за прашањата кои го засегаат нивниот секојдневен живот, вклучувајќи пристап до јавни услуги, развој на инфраструктурата, социјална поддршка и родова еднаквост. Преку интерактивни методологии и фасилитирани дијалози, жените имаа можност да:

 идентификуваат и приоритизираат најгорливи локални проблеми,

 формулираат реални и одржливи решенија,

 се запознаат со механизмите за учество во локалните процеси на одлучување и буџетирање.

Овие активности претставуваат многу повеќе од едукација. Тие го означија почетокот на процесот на јакнење на женскиот глас во руралните средини и создавање мрежа на активни жени кои ќе придонесат за локалниот развој. Веруваме дека кога гласот на жените е слушнат, заедниците стануваат посилни и поотпорни.

Оваа иницијатива е реализирана во рамки на проектот „Гласови од руралните заедници: Зајакнување на жените за локално застапување“ спроведуван од ЛАГ Агро Лидер, со поддршка на Акција Здруженска и Квина тил Квина фондацијата.